《三年後的希望》 旅行的意義

差唔多三年啦！大家對旅行呢個字又熟悉又陌生，曾經大家嘅鄉下，好鍾意行嘅嗰間小店，鍾意食嗰間餐館唔知仲喺唔喺度呢？今非昔比有好多小店喺疫情期間都已經撐唔住，不過距離終點都唔遠啦，我哋好好期待下，呢個等咗三年嘅旅行。

（本篇分享所有照片均由本人拍攝請勿擅自盜取）

而小編我其中一個最鍾意嘅地方就係台灣，雖然台北嘅節奏都比其他台灣嘅地方急速，但就係好享受喺呢個急速城市我可以好慢好悠閒咁旅行，台灣嘅人情味都唔使再點樣多講，民宿嘅老闆見到你喺唔同地方嚟嘅遊客，佢會好熱情咁同你傾偈推介你食附近嘅小食，真係好懷念呢個感覺。

（本篇分享所有照片均由本人拍攝請勿擅自盜取）

呢張相係去咗試台北非常隱世連門口，都差啲搵唔到嘅一間日式Omakase餐廳，成間舖得兩台客，師傅都好得意同埋好耐心介紹俾我哋知好多未食過嘅魚～

（本篇分享所有照片均由本人拍攝請勿擅自盜取）

台灣嘅夜市有千千萬萬樣嘅食物，小編最鐘意係藥燉排骨，台灣呢個成日落雨嘅地方，落雨天飲一碗真係好舒服～～～

（本篇分享所有照片均由本人拍攝請勿擅自盜取）

最後就係希望大家唔好唔記得旅行時候嘅開心，雖然而家淨係可以睇相回味當時嘅情景，但大家都會好快重拾呢個旅行嘅樂趣，旅行帶到俾大家啲咩體驗啲咩回憶，相信每個人都會唔同，祝大家早日去到自己計劃咗好耐而擱置咗嘅旅行。

編：潮遊專員Miko

#旅行的意義 #台灣