《潮遊山梨》富士山打卡位實測 · 邊個最值得去？
相信大家去東京都會想去富士山走走看看，而且都係一個非常熱門不死嘅景點呢，去得又點會唔打卡留倩影呢，咁其實網上咁多熱門景點係咪真係咁值得去呢？小編前排就去咗富士山，就去咗幾個打卡位同大家分享吓啦！
日川時計店
首先呢個日川時計店，係最出名最熱門嘅打卡景點啦！小編就係7月中去個日有落雨，去到就比較大霧，影出嚟嘅富士山就唔係咁清晰啦，不過呢個位都真係幾靚，同上網見到嘅相係一模一樣，無照騙！ 但係呢個位就係正馬路，所以大家要小心，同埋避免為當地居民帶來困擾，大家就唔好企出馬路就唔洗影響到人自己都無咁明顯嘅。
而泊車方面，行前幾步就有個「Fujiyoshida Shiei Honmachidori Parking Lot」停車場行過去2-3分鐘嘅路程距離就到，泊1個鐘只需100 Yen，如果揸車就非常方便！
交通便利程度：⭐️ ⭐️ ⭐️ （五分滿分）
打卡able程度：⭐️ ⭐️ ⭐️ ⭐️ （五分滿分）
多人程度：⭐️ ⭐️ ⭐️ ⭐️（五分滿分）
地址：〒403-0004 山梨県富士吉田市下吉田２丁目１−31
LAWSON 河口湖駅前店
而富士山下嘅LAWSON都係其中一個非常熱門嘅打卡點，其實分別就有兩間LAWSON（LAWSON 河口湖駅前店//LAWSON 富士河口湖町役場前) 都可以影到富士山嘅，我哋今次去嘅河口湖駅前店就比較近河口湖車站，車站行過去只需3分鐘路程，非常方便同近。而揸車嘅大家就可以係LAWSON消費，咁就可以泊門口停車場㗎啦，所以都推薦㗎！
交通便利程度：⭐️ ⭐️ ⭐️ ⭐️ ⭐️（五分滿分）
打卡able程度：⭐️ ⭐️ ⭐️ ⭐️（五分滿分）
多人程度：⭐️ ⭐️ ⭐️ ⭐️（五分滿分）
地址：〒401-0301 山梨県南都留郡富士河口湖町船津3495-2
Mt. Mikuni 三國山
而家呢個嘅三國山打卡點就比較無咁熱門，但相對環境就更清幽，而且人都比較小。因為嚟呢到搭公共交通工具就未必去到啦，只建議自駕遊嘅朋友，成個環境真係非常舒服，成個富士山非常清晰可以望到晒，而且仲要可以睇到山中湖添，成個景一覽無遺！
交通便利程度：⭐️ （五分滿分）
打卡able程度：⭐️ ⭐️ ⭐️ ⭐️（五分滿分）
多人程度：⭐️ （五分滿分）
地址：〒401-0502 山梨県南都留郡山中湖村平野
平野の浜
而最後一個小編有去打卡嘅地方，就係山中湖邊，小編就認為呢個富士山景觀係最壯觀宏偉嘅，因為exactly落咗山中湖， 用肉眼睇覺得座山真係非常之大對比起之前打卡景點放大咗好多倍，仲見到完整嘅成座山，而且仲可以近距離接觸山中湖，都值得到嚟！ 而且其實呢度附近都有得租單車店鋪「Yamanakako Cycling Base」，大家就可以沿住湖邊Chill住一路踩，咁就有更不一樣嘅體驗啦！ 不過呢個地點都係比較建議揸車人士去！
交通便利程度：⭐️ ⭐️ （五分滿分）
打卡able程度：⭐️ ⭐️ ⭐️ ⭐️（五分滿分）
多人程度：⭐️ （五分滿分）
地址：〒401-0502 山梨県南都留郡山中湖村平野13
觀賞富士小山Tips
富士見預報
大家去富士山之前都可以做定功課邊日能見度會比較好冇咁大霧嘅日子先去， 咁大家就可以睇以下呢個「富士見預報」網站：（https://fuji-san.info/ja/index.html)
富士山即時狀況
而且仲有其河口湖、山中河等熱門景點當地嘅實景即時直播到富士山嘅情況， 因而大家可以睇到再調整自己嘅行程， 做足萬全準備就唔使驚摸門釘睇唔到啦！
Fujisan Watcher 網站：（https://www.yamanashi-kankou.jp/fujisanwatcher/tc/live/index.html ）
大家有興趣嘅話，就可以參考吓我哋去打卡嘅地點， 今次我哋嘅行程比較緊迫，仲有好多富士山打卡熱點都未去到， 等下次仲有機會去富士山嘅話，一定會再介紹俾大家！
去日本記得搵RTG，潮遊專員為你服務 按此
日本小包團、酒店、機票及特色住宿、及度身制行程
編：潮遊專員Miko