《週末Chill住食》 元朗隱世泰國菜餐廳猶如置身小泰國

呢間餐廳位於元朗近八鄉嘅 「 旦王花- 泰越鍾情」泰國菜餐廳 真係好靚 泰有feel啊 依家疫情相信大家都好掛住泰國嫁啦 所以十分推薦大家去感受下當去咗轉小旅行！

呢個豬頸肉芥蘭炒飯就不過不失啦 吱咗啲青檸落去都幾開胃嘅

呢個無骨鳳爪 必食好開胃 又夠辣 如果大家鍾意食辣一定要嗌

佢呢個咖喱好重椰奶味重有入面係有龍眼肉有菠蘿佢都係甜口味嘅咖喱唔使驚太辣 食唔到辣嘅大家都可以嗌嚟試

原本係諗住攞嚟點咖喱所以嗌咗個蒜蓉包 雖然佢蒜蓉味唔係特別出 但係呢個即叫即整嘅蒜蓉包牛油味好香 仲要好大一舊 最後我哋冇點到咖喱就咁食晒 真係好香好脆 呢個都好推薦！！

最後想嗌多個芒果糯米飯但係都食唔落啦真係 同埋大家記得打過去問嗰日閂幾點 我哋去個日就閂4點 大家去之前都記得打過去問一問 仲有嗰日咁岩個特色飲品師傅唔喺度就冇得飲龍眼冰 椰青嗰啲大家都可以打過去問定 同埋最緊要真係食個feel

餐廳：旦王花- 泰越鍾情

電話號碼：24883263

地址 ：元朗錦上路148號地下

G/F, 148 Kam Sheung Road, Yuen Long

大家可以係錦上路或元朗站，轉乘巴士64K係八鄉東邊路落車，斜對面就係間餐廳

而且餐廳入面都有10個到嘅車位 大家都可以選擇自己揸車去 但車位唔多大家可以自行決定

大家好我係Miko 會為大家介紹更多唔同嘢食好玩俾大家 我都會帶來更多唔同旅行嘅資訊俾大家 敬請大家多啲留意

編：潮遊專員Miko

---

知道大家好關心開關情報，我哋RTG會跟進各地開關新消息

// RTG不一樣的新旅程旅遊新意義

// IG: rtg_travel

// FB: tgtravelhk