《週末CHILL住去》藝術.文化.建築-西九龍文化區-故宮博物館

西九文化區近年都成為咗好多人嘅週末好去處，而且前排都開咗M+視覺文化博物館，而最近香港故宮文化博物館都開咗館啦，今日RTG小編就同大家講吓入面有咩睇啦～

香港故宮文化博物館展示咗多達九百件嚟自故宮博物院嘅珍貴文物，仲有唔同朝代皇帝皇后嘅特別珍藏異品睇！ 除咗文物外仲結集咗當代藝術完全係有另一番感覺， 而整個故宮文化博物館展就係一件藝術品，每一個角度都能夠盡顯建築嘅美學。

---

「8個展館」要預留時間慢慢欣賞

香港故宮文化博物館入邊分咗8個展館嚟展現故宮嘅多方面面貌，分別有「馳騁天下」、「紫禁萬象」、「紫禁一日」、「凝土為器」、「龍顏鳳姿」、「器惟求新」、「同賞共樂」、「古今無界」。

---

文青必到，最多打卡位展館「古今無界」

而小編認為「古今無界」就最適合大家入去打卡啦，雖然佢係唯一一個展廳完全冇故宮嘅珍藏展品，但係呢個展館搵咗幾位本地藝術家創作對故宮睇法再詮釋嘅藝術裝置，入邊有非常多嘅打卡位～～

---

有趣互動令你更投入

而「龍顏鳳姿」就有得睇唔同朝代嘅皇帝皇后嘅肖像，而呢個館仲有一部影相機，可以將自己個樣Key落唔同嘅畫入面扮演宮中嘅唔同角色都十分有趣，推薦大家去玩下！

而且11月9日開始至2023年2月20日都會有特別展覽「藝苑尋珍」 - 列支敦士登王室收藏名品新展覽將會在展廳8舉行，有興趣嘅大家可以11月9日起去睇啦～

---

建築美學嘆為觀止

同埋其實除咗展覽之外，佢成個建築物都有好多打卡嘅位置，大家可以細心留意吓。而每個細節都有特別意思值得大家感受當中嘅藝術感，做返一日文青了解更多故宮文化。

---

RTGTRAVEL 即將推出故宮及M+文化團 *密切留意RTG TRAVEL即將推出超級優惠文化小旅行， 一齊做文青去晒全港博物館。同潮遊專員玩盡香港。

*大家記得留意番，香港故宮文化博物館有售買兩款門票，分別係「標準門票」只可參觀專題展覽（展廳1-7），而「特別展覽門票」包括可以參觀專題展覽（展廳1-7）及特別展覽（展廳8-9）咁大家可以衡量一下買邊一種門票啦。

 
 門票價錢： 
  「標準門票」成人港幣$50；特惠港幣$25
  「特別展覽門票」(包含標準門票）成人港幣$120；特惠港幣$60
  （特惠門票包括：7歲至11歲小童、全日制學生、60歲或以上長者、殘疾人
   土(與一名同行照料者）與綜合社會保障援助受惠人。）

  *標準門票逢星期三免費以及6歲或以下小童免費入場(須在網站預約並持有有效的特別展覽門票入場）。

開放時間：星期一、三、四、日 10am-6pm

星期五、六及公眾假期上午10am-8pm

(星期二閉館不開放參觀）

地址：香港故宮文化博物館九龍西九文化區博物館道8號 （有停車場可泊車）

編：潮遊專員Miko

攝 : 日本仔仔