《潮遊東京》麻布台Hills · 潮流新熱點 · 全日本最高摩天大樓 · teamLab將開幕至此
日本大型不動產開發商「森大廈」（森ビル）最近嘅發展項目「麻布台之丘 // 麻布台Hills」 新鮮滾熱辣係今年（2023）11月24日就已經正式開幕啦。呢個項目嘅一大重點係其中一棟大樓，比大阪阿倍野HARUKAS更高，成為咗全日本最高摩天大樓。而且呢到仲成為咗teamLab嘅選址將在1月開幕。一齊嚟睇吓該東京新地標有犀利啦～
成日本最高摩天大樓
圖片來源：森ビル
「麻布台Hills」佔地8.1公頃，建有3幢大樓。項目係以「現代都市村」概念，打造一個綠化呼設計概念展現出嘅建築。大樓及低樓建築共有4棟構成，此區內有商場、辦公室、住宅區、酒店、國際學校同藝術設施等多元化發展嘅元善社區。而當中嘅「麻布台ヒルズ森JPタワー」更高達330米，比大阪阿倍野HARUKAS更高，成為咗全日本最高摩天大樓。預計每年將吸引高達3,000萬人到訪。
成東京購物玩樂新熱點
圖片來源：森ビル // www.fashion-press.net
對我哋遊客嚟講最緊要當然係「食、玩、買、瞓」啦。 呢個區域有商場，而商場入邊就聚集咗美食、時尚、美容、文化、藝術等，約有超過150間商店，花園廣場街道上將會遍佈奢侈品牌。有HERMÈS、Cartier、BOTTEGA VENETA、DIOR、BVLGARI等10間名牌專賣店，都會從 2024 年 2 月起依次開業。另外，中央廣場地下打造4,000平方公尺嘅「麻布台Hills Market」都會同步登場，一共有31間店鋪會係呢到開幕，有提供新鮮食品、蔬菜、點心、酒類、麵包等，全區域將於2024年1月開幕， 雖然佢類似一個超市，但係佢嘅空間設計都非常之別出心裁㗎～
圖片來源：森ビル
而「瞓」方面就有麻布台Hills邀請咗知名奢華酒店品牌「安縵」(Aman Resorts) 加盟，進駐嘅「東京安縵公寓」將推出91間服務式住宅，提供高級享受嘅入住體驗俾大家。而安縵姊妹品牌「JANU」全球首間酒店亦都於麻布台Hills開幕，同安縵嘅平靜形成鮮明對比，「JAUN」係城市中提供充滿活力嘅社交場景同溫馨嘅住宿體驗。
綠化舒適環境
為咗提供舒適嘅環境俾大家此項目就以「Modern Urban Village」為概念，打造咗被綠色植物包圍嘅社區，綠色面積佔咗成2.4公頃。其中，中央廣場更佔地6,000平方米，打造咗水綠相連嘅花園區域，有令人彷彿置身大自然和諧環境裏。而且係採用100%「RE100」可再生能源，實行綠色概念，想當愛惜地球！
充滿濃厚藝術文化氣息
圖片來源：森ビル
係中央廣場中仲有裝置著藝術家奈良美智嘅《東京的森林之⼦》、雕塑家曽根裕嘅《Log (long version)》等作品，讓整個廣場除了綠意之外，也增添濃厚的藝術氣息。麻布台Hills都開設咗「藝術與畫廊」區域，以「整個城鎮都是博物館」為主題，展示從當代藝術到娛樂嘅各種藝術作品。
圖片來源：teamlab
台場嘅「teamLab Borderless」於8月31日已經閉館，豐洲嘅 teamLab就營運至今年底就會關閉。而「teamLab Borderless」就暫定預計出年1月teamLab會正式係麻布台Hills B1層開業，一向以嚟teamLab嘅作品都有極高嘅互動性，大家可以享受鏡裏夢幻空間，到時會好多從台場展品演變嘅展品並將會有多款新作品係日本從未公開過嘅，小編都好期待啊！
咁大家以後去東京又有一個新熱點可以行街Shopping, 同埋體驗啦，今個月24號已經開咗幕，大家可以選擇去呢度行吓～
麻布台Hills
開幕日期：2023年11月24日（已開幕）
地址：東京都港区虎ノ門5丁目、麻布台1丁目および六本木3丁目の各地内
交通方法：東京Metro「六本木一丁目」、「神谷町」站下車，步行10分鐘內
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko