《潮遊東京》羽田空港第三航廈 · 露天温泉 · 綜合商場適合最後衝刺
羽田機場第3航廈旁邊係2023年頭就興建咗羽田機場花園！羽田機場花園有12層嘅樓高，與羽田機場第三航廈相連，提供咗商場、酒店、淋浴間、哺乳室等多種設施，為旅客提供咗更便利、舒適嘅休憩場所。此外，機場仲有提供免費嘅穿梭巴士來回接駁到第1航廈或第2航廈，方便旅客前往其他航廈或者轉機。
圖片來源：www.hvf.jp
其中最吸睛嘅一大特色就係位於羽田機場花園頂樓嘅「泉天空の湯」，為日本第一個機場露天溫泉。溫泉設施佔地2,000平方米，分為男湯區域「銀翼の湯」同女湯區域「富士見の湯」。男湯區可以觀賞飛機升降，而女湯區係天氣良好時亦可以欣賞到富士山嘅美景。溫泉館內仲設有室內溫泉、桑拿、岩盤浴等其他設施，提供多種放鬆身心的方式。
抵達咗羽田機場第3航廈，可以2樓揾到羽田機場花園嘅入口，沿住從機場直達嘅通道一直前進，就可以見到花園嘅建築物。然後乘坐電梯到12樓，就可以進入「泉天空の湯」Area啦。泉天空之湯營業時間為24小時，啱哂搭凌晨機嘅大家，絕對可以考慮係呢到享受一個舒適嘅夜晚，放鬆一下。
圖片內源：japaholic.com
而且呢到仲有休息室， 裏面擺咗個人座位。每個座位都可以分別調整唔同嘅角度，令大家有最舒服嘅休息，可以調整至差不多躺平都得嘅。而且每個座位有電視，而且個出聲音位係頭部兩側，就盡量降低咗對其他客人嘅干擾。
注意清潔時間
同埋大家就要注意啦，有部分設施喺某啲時段會進行清潔嘅，10：00〜12：30為清潔時間，就無法使用浴池區。而凌晨1:00～1:30為機器維護時間，無法辦理結算、離館手續。呢度會有不定期閉館進行設施檢查， 所以大家去之前記得去官網睇清楚詳細嘅資料啦！ 而且呢度係禁止攜帶附輪子嘅行李箱或登機箱進入， 大家可以先將自己嘅行李寄放係2樓嘅接待中心或者寄物櫃後再進入館內！
結帳流程
離開之前需要換返衫到自助結帳機器進行感應，如果無額消費，就會直接攞到QRcode出場，若有額外嘅消費可以係呢到用現金或者信用卡進行支付就可以成功埋單。
圖片來源：www.hvf.jp
羽田機場花園嘅綜合商場暫時在分別有大概80間店舖、20間餐廳，當中有日本各地嘅手信店、服飾、藥妝店等等。大家可以係呢到享受購物、餐飲同時舒適地等待時間。無論是係凌晨落機， 抑或係上機前最後衝刺嘅好地方。對於旅客來講，提供咗一個獨特嘅休憩場所，令大家可以係旅途中享受溫泉同埋舒適嘅設施。
羽田機場 泉天空之湯
營業時間：24小時
一般價格：成人 4,800日圓，兒童 2,000日圓
深夜價格：成人 4,000日圓（凌晨2點-5點）
羽田機場花園（HANEDA AIRPORT GARDEN）
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko