《潮遊東京》樂天 x 麵屋武藏情人節限定嘅拉麵？
日本拉麵為國民美食，而且款式有好多唔同嘅樣式同變化，由普通好食嘅豚骨拉麵、醬油拉麵、辣味等，去到而家非常之多搞鬼idea嘅拉麵，雪糕、布甸、棉花糖等都可以嘅食材去製作拉麵。今日介紹嘅呢款拉麵都係非常特別嘅～
就係樂天（GHANA Milk Chocolate） x 麵屋武藏嘅情人節限定版嘅朱克力味噌拉麵啦…聽個名都覺得好神奇啦，但係睇相小編莫名奇妙咁分泌咗啲唾液出嚟（哈哈） 重要個配搭係又甜（朱古力）又鹹（叉燒）又辣（辣椒油）仲要有粒士多啤梨喺面，好sweet嘅feel，好有深度，好有層次啊～
重要限定兩間分店有嫁喳，東京・秋葉原の「麺屋武蔵 巌虎」、西新宿の「麺屋武蔵 五輪洞」每日得20份，非常限量 2月4日-2月14日有嘅情人節期間限定款嫁。
情人節將近啦，唔知大家會唔會有興趣帶自己男女朋友去試吓呢，究竟地唔地獄呢，呢層真係要試過先知～～～