《潮遊日本》Royce櫻花季新作 • 夢幻口味朱古力
一直名氣爆登嘅北海道朱古力製造廠『Royce』，佢哋嘅生朱古力超級好食，而且口味極多任君選擇適合大眾，所以都亦成為咗好多人嘅手信之選，所以喺機場最後衝刺嘅時候，都一定會見到佢哋嘅產品嘅，今日小編再向大家介紹吓佢哋嘅新作櫻花味朱古力，大家都知啦，櫻花季都就嚟到啦而且日本嘅櫻花產品都越出越多，花多眼亂！
櫻花 × Cream Cheese 生朱古力（¥864）
圖片來源：roycechocolate.com 用櫻花配合cream cheese嘅生朱古力以白朱古力混和櫻花味、士多啤梨香味、奶油芝士和草莓利口酒嘅組合非常之誘惑，配上順滑嘅口感，簡直係天堂般享受啊！
Sakura Cube（¥918)
用朱古力製成，融合咗士多啤梨同車厘子嘅味道，裏面裝滿咗用車厘子製成的果醬同鹽漬櫻花醬，一盒入面有30個！
CHOCOLATE BAR "SAKURABERRY (CHERRY & ALMOND)"
可以一次過品嚐到櫻花、車厘子、杏仁的酸甜嘅朱古力。重點係用咗大量櫻桃干同杏仁粒。香醇的白朱古力加咗士多啤梨和櫻花葉的風味，散發著櫻花的香氣、酸甜水果同杏仁嘅香味，而且食落酸酸甜甜中和左白朱古力嘅甜度。
圖片來源：roycechocolate.com 唔只以上三種朱古力仲有其他產品㗎，大家可以有興趣就去買來試吓啦！小編時間去日本都要去買啊！實在係太吸引啦，有邊個可以抵抗到朱古力嘅誘惑！
時間限定：2月15日起
販售地方：Royce直營店 ( 東苗穂店・札幌大丸店・福住店・厚別西店・あいの里公園店・屯田公園店・西宮の沢店・ロイズタウン工場直売店(旧ふと美工場直売店 )・上江別店・新千歳空港店・ロイズ チョコレートワールド)，Royce Official Online Shop
編：潮遊專員Miko