《櫻花情報》2024日本櫻花季節開花預測時間 · 賞櫻地點推介
已更新：2月2日
日本盛開櫻花嘅季節都會有好多人選擇去日本旅行兼賞櫻。如果大家都計劃會係春天去日本賞櫻， 就係一定要睇返櫻花盛開期嘅預測啦，會因應季節地點而花開日子都有所不同。 最近日本嘅 Tenki.jp 都有大概嘅預測啦， 咁我哋一齊快啲，睇吓預測就可以計劃一下春天嘅旅程啦。 而且小編都會介紹賞櫻熱點俾大家！
日本櫻花預測（只供參考）
係咁多年嘅平均年份中，而由東京、大阪、京都、廣島等地區大概係三月中至尾陸續開始開花， 而三月尾到四月頭就係盛開最靚嘅日子。都會喺差唔多嘅日子盛開。而日本中部，櫻花會由四月頭到中開始開花。而五月嘅時候，係北海道就可以睇到櫻花啦。
實質時間會根據地點同埋氣溫嘅轉變都會有所不同。 等到二月份嘅時候嘅預測會比較準確， 因為2023年今年開花日期都比預期中早咗開花。 所以小編二月份都會再update大家， 咁我哋就睇住暫時嘅櫻花預測先啦～
暫時2024櫻花預測（只供參考）
東京嘅預測開花期3月14日（盛開日3月22日）
東京賞櫻花熱點推介：目黑川
地址：東京都目黑區目黑川2-2
經典出名東京睇櫻花嘅位置,而且有一年嘅櫻花樹枝呈心形引好多人去打卡，所以都非常建議大家去打卡，希望大家會發掘到啲好特別嘅角度啦！
東京賞櫻花熱點推介：千鳥淵綠道
地址：2 Chome-2 Kudanminami, Chiyoda City, Tokyo 102-0074日本
呢個櫻花熱點因為佢有得係河上一路划艇一路睇櫻花同情侶或者朋友去都非常之浪漫吸引，影相都好靚嫁
仲要可以喺唔同嘅角度睇到櫻花添啊！
大阪嘅預測開花期3月19日（盛開日3月27日）
大阪賞櫻花熱點推介：大阪城公園
地址：〒540-0002 大阪府大阪市中央区大阪城１−1
大阪城公園呢度非常壯觀，一大片櫻花可以嘅地方，所以都係大阪非常之熱門嘅賞櫻位置～～
大阪賞櫻花熱點推介：造幣局櫻花步道
地址：大阪府大阪市北區天滿1-1-79
呢度都係沿路一大條路，可以睇到好多櫻花樹呢度就可以慢慢散步影相～
福岡嘅預測開花期3月18日（盛開日3月26）
福岡賞櫻花熱點推介：舞鶴公園
地址：〒810-0043 福岡県福岡市中央区城内１−4
呢個公園小編就建議喺夜晚先嚟賞夜櫻，影相打卡其他地方都係日頭影相比較靚，但係呢度唔同嘅地方就係佢會有唔同嘅光影照住1000棵令到綻放嘅櫻花更加多色彩更靚！
福岡賞櫻花熱點推介：淺井一本櫻
地址：〒839-0826 福岡県久留米市山本町1506
呢個影像實在係超唔現實，但係非常之靚嘅一本櫻，雖然佢係得一棵櫻花樹，冇其他咁壯觀，但係呢個嘅景象都引來非常多人去打卡，而且仲要湖面反射做呢個櫻花嘅倒影，實在係太夢幻啦！
札幌嘅預測開花期4月15日（盛開日4月21）
北海道賞櫻花熱點推介：函館五稜郭公園
圖片來源：ikidane-nippon.com
地址：北海道函館市五稜郭町44
「五稜郭」係獲日本指定為國家特別史跡嘅星形城郭，呢到有成1600棵櫻花樹布滿星形稜郭的壯觀景象非常值得嚟睇。
北海道賞櫻花熱點推介：松前公園
地址：北海道松前郡松前町字松城
松前公園位於北海道南端，此處種有 250 種一共約 10,000棵櫻花樹。而且呢到仲被選為「賞櫻名所100選」之一，天守閣同櫻花嘅復古美景，被公認最佳嘅賞櫻拍攝地方！ 而且呢度每年都會舉辦櫻花祭！
大家因應返自己去旅行嘅日期咁啱撞正櫻花期嘅話就可以去打卡影相，過返個浪漫春天啦，千祈唔好錯過啦！
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko