《潮遊崎玉》超可愛姆明村 · 進入姆明童話世界一齊玩春季限定活動
今日小編介紹嘅『Moominvalley Park』位於崎玉縣飯能市嘅，成個主題公園係以姆明做主題嘅，姆明嘅外型白色軟棉棉咁超可愛都俘虜咗唔小Fans嘅心，Fans可以嚟同姆明一齊打卡一齊玩啦，一定要嚟探訪吓可愛姆明村莊啊！
姆明可愛身世
開始介紹呢個moomin valley park之前同大家介紹一吓姆明世先，首先姆明並唔係河馬嚟嘅（小編之前都以為佢係以河馬做原型），其實佢係北歐40年代嘅療癒精靈家族，所以佢真實嘅身份係森林小精靈嚟㗎，係咪真係好得意呢，圓轆轆咁。
而姆明谷公園係喺2019年3月開幕嘅，喺呢個公園入面係會見到姆明嘅屋企，而且可以體驗到好多唔同故事嘅景點，呢度仲有姆明餐廳同埋商店（大家可以帶姆明返屋企啊！）
春季限定活動
然後今年嘅姆明谷公園春季限定活動「赫穆倫學院ヘムレンズアカデミー」，植物學家刻穆倫先生係新加入嘅成員嚟嘅，咁大家都可以同植物學家一齊探討下環境同埋體驗吓感受環境事物，從小同大自然共存學習！
而且仲有春天限定商品，大家可以試吓呢個以春天花朵為靈感嘅特飲，而且仲有春天限定嘅週邊商品，大家去到自己慢慢揀啦～
Metsä Village
小編再同大家介紹吓，喺呢個姆明公園出邊仲有個metsa Village都非常之靚同chill㗎，佢係一個北歐風嘅森林村入面有各式各樣唔同嘅設施，個到有個area可以買到北歐品牌嘅產品同能當地的食品，仲可以係食到北歐料理同飲品嘅自助餐，同埋體驗手工藝品製作嘅工坊空間。大家可以享受係湖上玩獨木舟添啊！而且入場免費。
Spring Festival
期間：2023年3月1日（週三）至4月23日（週日）
地點：moomin valley park
地址：日本〒357-0001 Saitama, Hanno, Miyazawa, 327-6 メッツァ
地點：Metsä Village
地址：〒357-0001 埼玉縣飯能市宮澤327‐6 Metsä （森林）