《潮遊大阪、京都》 關西2023聖誕攻略 · 燈飾市集介紹
相信大家係聖誕節十二月都會去外地旅遊，上次就同大家介紹咗東京嘅聖誕市集、燈飾（可按此看東京文章）。今次就同大家分享埋大阪呢邊嘅聖誕好去處啦。都十分非常適合一家人、情侶、朋友一齊享受嘅活動景點，有興趣大家就睇埋落去啦～
天王寺公園大阪聖誕市集
「大阪聖誕市集2023」將於2023年12月1日至12月25日係天王寺公園「TENSHIBA」同埋「TENSHIBA i:na」舉行。會場內約有17店鋪。其中12個會係食品、飲品攤位，販賣各種美食佳餚。有適合冬天嘅熱紅酒，仲有德國啤酒、Cocktails、Mocktail、熱朱古力等飲品。而食物方面都有非常多元化，有肉類菜餚、豬手、Pizza等美食。仲有紐倫堡嘅招牌「紐倫堡」香腸同埋德式燉牛肉「牛肉古拉什」等唔太常見德國嘅美食菜式。甜食愛好者食完鹹點就梗係要食返甜品啦。會有以聖誕樹、聖誕老人等聖誕為主題嘅糖霜曲奇， 同埋色彩繽紛肉桂口味嘅Churros!!!
市集內有德國進口嘅聖誕雜貨。胡桃夾子、聖誕裝飾、聖誕金字塔、音樂盒等都係由德國埃爾茨地區塞芬玩具村嘅工匠手工製作。到時亦都有舉辦工作坊，鮮花蠟燭等創作原創作品，係由小朋友到大人都可以享受嘅活動～
大阪聖誕市集
日期：2023年12月1日至12月25日
活動時間：11:00-21:00 (LO.20:30)
地點：天王寺公園「TENSHIBA」、「TENSHIBA i:na」
地址：〒 543-0063 大阪市天王寺區茶臼山町1-108
Wonder Night Hill 2023
大阪堺市嘅體驗型農業公園「綠色博物館收穫之丘」已經開始咗2023年10月28日～2024年1月28日舉辦光彩奪目嘅「Wonder Night Hill 2023」燈光活動。係南大阪地區最大型嘅燈光活動，大家可以係個到睇到20米高嘅聖誕樹、長毛象、昆蟲機器人燈飾等等，非常適合想去睇燈飾打卡嘅各位！公園內有許多唔同主題特色嘅燈飾，有以水藍色系燈光打造出冰河時期嘅「光之冰河期」，或都可以睇到見甲蟲、螳螂等昆蟲「昆蟲機器人之森」，以及兩側路邊佈滿糖果糖燈飾嘅「糖果之路」，有非常多元化各式各樣元素令活動更加有趣有睇頭！
大阪堺綠色博物館收穫之丘「Wonder Night Hill 2023」
日期：2023年10月28日～2024年1月28日
時間：17:45～21:00 （最後進場20:30）
地點：大阪堺綠色博物館收穫之丘（大阪府堺市南区鉢ヶ峯寺2405-1）
入場費用：大人 1,500 日圓／小孩（4歳～中學生）500 日圓／寵物 500 日圓
北歐大排檔-聖誕市集
JR京都伊勢丹將於11月21日至12月25日舉辦「北歐大排檔-聖誕市集」。市集產品有，從色彩繽紛嘅布料到溫暖嘅木製品、復古陶器以及姆明 、Lisa Larson 等角色物品。
此外，今年係活動舉辦嘅第3次，亦都係首次設置咗「北歐食品市場」嘅飲食區。會有北歐經典美食，芬蘭經典菜品「三文魚湯」同以肉桂、小荳蔻辛辣香料為特色嘅「肉桂捲」等等。大家仲可以同朋友飲返杯嘢慢慢享用，有酒、咖啡等飲品。
北歐大排檔-聖誕市集
日期：2023年11月21日～12月25日
時間：15:30-20:30（週六、週日、假日營業至21:00）
※17:00左右點燈
地點：JR京都伊勢丹10樓娛樂廳
地址：京都府京都市下京区烏丸通塩小路下ル東塩小路町
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko