《潮遊和歌山》住宿露營篇 · 加州打卡豪華超大印第安營Glamping
已更新：2023年2月5日
小編去完和歌山嘅Camping場地真係一試難忘，亦都可以話係會再去嘅原因一啲都唔誇張，咁當然啦，相信大家去旅行都未必會帶晒gear去露營㗎喇；亦有一部份嘅露營場係有露營用品租借就算冇都可以考慮glamping，小編真心誠意推介！
首個我哋要介紹嘅和歌山Camp Site就係《GAJU CAMP》我哋真係一試愛上，非常期待下次再去～
California主題CAMPSITE
大家都見到呢個場地係加州風主題～夜晚朝早完全唔同feel，咁當然夜晚整哂campfire係到最靚最有feel，然後全個場地嘅植物都真係由加州貨，真係靚到爆！！
呢嫁咁打卡able嘅車呢其實係個mini bar同埋有免費提供零食、水、杯麵同埋日常用品橡筋、牙刷等都係免費使用嘅， 隔籬嗰個就係桑拿房， 而且嗰度仲有一個戶外嘅按摩池非常之chill !!!!
然後女仔最著重嘅廁所都超級乾淨，但係我哋就無影到入面大家去自己感受下，勁企理！沐浴露、洗髮露等等都有提供。而且我哋去嘅時候氣溫都得返10幾度，廁所都有冷暖氣提供～
超豪華印第安營
好啦到重頭戲就係瞓嘅地方啦，我哋今次揀嘅房型係最大嘅印第安營，佢嘅擺設同設計都係民族風為主超適合打卡，入面有三張雙人床可以瞓到成5-6個人都綽綽有餘，而且營帳入面都有雪櫃、暖氣提供~~~
BBQ協會監修嘅BBQ
而且嗰度都有BBQ set 可以比客人選擇有和牛、豬同埋雞適合食唔同肉類嘅大家， 而且場主亦都係呢個BBQ協會第一代嘅會長， 場主之前係做老師教嘅學生就係殘疾人士主要係教佢哋可以點樣自己生活煮嘢食， 而且佢都會喺呢個場地入面搞一啲活動 同一啲有身心障礙或者有抑鬱病嘅人一齊聚會真係非常有意義～
BBQ 協會初代會長會幫手烹煮埋嘅，然後就會擺喺個爐入邊一直加熱，大家就可以食到又熱又好食嘅嘢食啦同埋仲要唔使自己落手煮， 但無可否認真係非常好食， 尤其是係雞肉好爽口，仲要配咗三款醬汁唔同口味大家可以任由配搭超級好食！！！
個晚我哋仲要仲要配埋Champaign 加Campfire燒棉花糖實在係太舒服又好玩又好食！！！而且仲有小丸子被爐坐埋一齊傾計實在太温馨了～
小編打後都有陸續推介唔同嘅campsite同glamping，去完日本嘅Campsite之後真係發覺日本campsite真係超細心又貼心～ 真係玩到唔捨得走！
RTG幫你預訂好地點，輕鬆出發
大家想試下呢個摘杮嘅體驗都可以揾我哋RTG幫你地預約或者訂我哋《關西-大阪，和歌山遊》package：link
開關啦開關啦！！！大家可以揾我哋買機票同買package 而且可以度身訂做唔同嘅旅行行程俾大家,仲有唔同嘅租車服務，幫你哋解決一切溝通上面嘅問題～玩得盡興。記得搵我哋RTG Travel啦～～～
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko