《潮遊北海道》星野度假村 · 聖誕浪漫氣氛爆棚
日本北海道星野集團嘅度假村酒店 RISONARE Tomamu 將於2023年12月1日星期五至2023年12月25日星期一舉辦聖誕活動「Rime Ice Christmas」，當中一大重點就係「日美台」有好似 聖誕裝飾花環圈一樣嘅吊床上眺望欣賞雪山嘅壯麗景色，快啲睇埋落去啦～
聖誕變身成巨型花環吊床
「Rime Ice Christmas」嘅第一個亮點就係「巨型花環吊床」，呢個係一個長寬各10米、突出到半空中嘅吊床式觀景區。在聖誕期間會被裝飾成為聖誕花圈嘅可愛樣子，所以大家打卡嘅時候就可以影到彷彿置身於聖誕花圈中嘅得意靚相！
雲海霧冰觀景台
今年聖誕節嘅展望台將會有獨特華麗嘅裝飾，大家可以邊欣賞雪山壯麗景色邊感受聖誕節帶嚟嘅熱烈氣氛。而大家係「雲海觀景台」突出到半空中嘅觀景台睇到壯觀景色，但係冬天呢到會變成「霧冰平台」，空氣中有濕氣同霧氣會依附係樹木上會出現白霜現象，而且氣溫在零下2度到10度之間先有～ 而另外係「雲海觀景台」有高約10m嘅圓錐形嘅支架，個到將會佈置成一棵凍到結霜嘅聖誕樹。圓錐體支架上會有白/藍色嘅裝飾品，就營造到好似閃閃發光嘅白霜，形成一棵聖誕樹。呢棵白霜聖誕樹於今年已經係第三次出現，成為咗Tomamu聖誕節嘅象徵！
聖誕老人驚喜現身滑雪場
聖誕節就當然唔小得聖誕老人啦。而Tomamu鐘意滑雪嘅象徵人物「チョッカリ大魔神」 都會盛裝出現扮成聖誕老人。係滑雪區到滑雪。大家如果遇到佢嘅話就真係好好彩啦，可能仲有聖誕禮物收㗎！
限定聖誕花圈冬甩
係「Kumo Cafe」 仲將會有聖誕限量版嘅聖誕花圈Donut。冬甩用咗開心果同士多啤梨做裝飾，而堅果上塗有檸檬味嘅糖霜。Cream Cheese同開心果口味Cream，與檸檬味堅果夾雜住令到口感豐富而且清爽嘅小甜品～
RISONARE Tomamu 「Rime Ice Christmas」
日期：2023年12月1日至12月25日 地點：星野集團RISONARE Tomamu Frost Terrace 地址：北海道勇払郡占冠村字中トマム 纜車費用（來回）：大人2,200日圓、小學生1,300日圓（RISONARE Tomamu、Tomamu The Tower入住者及纜車票持有者免費） 時間：9:00-15:00 *Kumo Cafe最後點餐時間為15:00，纜車山頂站最後乘車時間為15:30。 對象：過夜客人和一日遊客人 *纜車服務可能會因天氣原因停止運行
去日本記得搵RTG，潮遊專員為你服務 按此
日本小包團、酒店、機票及特色住宿、及度身制行程
編：潮遊專員Miko