《潮遊京都》必買超萌手信 · 期間限定人氣口味
日本嘅手信各式各樣，有時小編都會畀花多眼亂嘅手信搞到選擇困難（款款都好正！）， 今日就同大家介紹一個只有京都先買到嘅手信，京都有130年歷史嘅⽼字好菓子屋「⻘木光悦堂」， 非常適合送禮！ 最近佢哋就推出咗一款 超可愛嘅「倉鼠最中」秋季限定栗子餡菓子，由2023年9月1日起係京都車站與青木光悦堂直營店幸悅庵開賣！
「青木光悦堂」與「2時株式會社」聯手推出嘅「倉鼠最中」 靠住超可愛嘅外表，係2021年開賣之後聲名大噪，成為咗遊客嚟京都時大熱必買嘅手信， 好玩又好食，又可以自己親手DIY。 製作「倉鼠最中」 過程都非常簡單，只要將餡料包入酥脆倉鼠殼入面，再放上堅果作為倉鼠嘅食物就完成啦， 如果大家想令成件事更加生動得意嘅話，仲可以自行係眼睛以及耳仔塗上朱古力就更生動可愛！
呢個係手捧唔同類型 堅果、食物嘅超萌「倉鼠最中」， 整完之後一定要影張相紀念一下，真係超得意！
自2022年秋季上市後就被一掃而空嘅栗子餡，於今年9月1日再次登場，大家去京都旅行遊玩都非常建議大家去買嚟做手信㗎，真非常之可愛有趣嘅手信嚟㗎～
「倉鼠最中」（栗子口味）
日期：2023年9月1日開賣 店舖：GRAND KIOSK京都、PRECIOUS DELI＆GIFT京都、GIFT KIOSK京都、Bellmart京都、青木光悦堂 直營店「幸悅庵」 價格：2,000円（含稅） / 6個入
去日本記得搵RTG，潮遊專員為你服務 按此
日本小包團、酒店、機票及特色住宿、及度身制行程
編：潮遊專員Miko