《潮遊宮崎》革新改造露營車空間 · 打造極致裝潢設計 · 「Anywhere」全新旅行體驗
已更新：2023年11月29日
Not A Hotel係以創新生活旅遊體驗為核心價值，今年（2023）仲推出令人驚喜嘅全新計劃「Anywhere」！今次佢哋仲邀請到日本建築師元木大輔 DAISUKE MOTOGI，佢擅長以建築思維去設計，有意識地展現媒材適度琢磨後呈現嘅樸實感覺。今次重新定義咗傳統露營車嘅概念。通過對5架露營車進行改造設計，更打造咗一系列擁有唔同功能，而且重要非常有設計感嘅露營車，「Anywhere」首個體驗點位於日本宮崎県青島，座落係海灘旁，仲設有游泳池、燒烤區等完善娛樂設施配套，為住客帶嚟精緻休閒嘅入住體驗。
圖片來源：notahotel.com
Not A Hotel「Anywhere」計畫嘅宗旨係想令旅客擺脫時間地點嘅束縛，享受更靈活多變嘅旅遊體驗。品牌目標係創造一種前所未有嘅新旅行概念。設計師元木大輔表示「希望更多人可以享受呢種生活方式，如果得少數人實踐，呢個概念就只會成為一種幻想」。
傳統嘅露營車將所有功能集中係一個狹空間內，使用者通常只能得到狹窄嘅空間，令讓人難以感到舒適。
Not A Hotel嘅露營車選用咗始祖品牌Airstream，並由設計師元木大輔進行全面改造， 將露營車設計成為有多種功能嘅隨時可以移動嘅空間。
Not A Hotel呢度就有2間睡房、1間浴室、1間書房以及1間酒吧，一共五架露營車。兩間睡房大家都可以見到有別一般露營車嘅寬敞空間，採用咗開放式設計，配有雙人床、梳化、洗手間。 主要都係用咗綠色做主調，簡約配色，營造出簡約未來感。浴室設計簡潔實用，提供淋浴、洗手盆、馬桶等設備。書房都有寬敞舒適嘅工作空間，旅客可以係呢到工作、閱讀、放鬆。
呢到嘅晚餐都係會有日本Campsite必做嘅燒烤環節，大家可以享用到日本當地蔬菜同以宮崎牛肉為主。食完晚飯後，大家可以圍住營火享用飲品。再Chill啲大家可以去酒吧小酌一杯，酒吧就係另一款更大嘅車型「Spartan」，提供咗小型吧台、卡拉OK同座位，客人就可以係到享受嘆返一杯盡情放鬆一下。
Not A Hotel 非常注重空間細節設計同舒適度，亦都選用高品質嘅材料同家具，並將空間最大化，旅客可以係有限嘅空間中享受到舒適嘅生活體驗。車嘅內部仲配有現代化嘅智能控制系統、音響設備同網絡連接， 大家喺享受生活遠離繁囂同時又提供到便利娛樂功能。
Not A Hotel「Anywhere」計畫為旅客帶嚟咗了獨特嘅體驗，令入住嘅大家都可以隨時隨地享受到舒適同自由嘅環境。呢種創新嘅旅行方式將露營提升到全新嘅層次。而Not A Hotel計劃將會係未來擴大到其他地方，為更多旅客提供咁特別嘅旅遊體驗。亦都希望呢種創新露營車設計可以令人對於旅行嘅熱情更昇華～
有興趣嘅大家可以揾RTG幫大家預訂啊，去日本記得搵RTG，潮遊專員為你服務 按此 。日本包團、酒店、機票及特色住宿、及度身製行程都幫到大家～
地點：「Anywhere」Not A Hotel
地址：〒 889-2162宮崎県宮崎市青島2丁目241-1
資料來源：Not A Hotel
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko