top of page
  • 作家相片Miko

《潮遊千葉》竹林中豪華露營 · 與長頸鹿共進早餐 · 獨特露營體驗

今日小編就同大家介紹下位對於千葉縣豪華露營「The Bamboo Forest」, 如果大家揸車嘅話喺東京出發只需要一個小時嘅路程就可以到達嘅營地嚟嘅, 呢度最多嘅客群就係有小朋友嘅一家人。 因為佢係主打「竹林+動物園+露營」體驗非常獨特,仲有機會同長頸鹿一齊食早餐添啊!係咪好意想不到呢, 有興趣嘅大家就一齊睇埋落去啦~



呢個園區入邊總共就有三款種類嘅房型, 咁下面就同大家逐一介紹啦~


 

樹屋

圖片來源:bamboo-forest.jp


樹屋此房型只有一間,就係由藝術家木村勝一設計,外型係淺黃色,長頸鹿形象嘅樹屋十分調皮可愛。內部就以木色調淺色系為主,非常溫馨舒適。可容納人數3人,有一雙人床×2、單人×1~


圓頂帳蓬

圖片來源:bamboo-forest.jp


圓頂帳蓬一共有三間,白色圓拱形帳篷就係大家喺豪華露營中最常見嘅,寬敞嘅空間空間感十足,精心打造嘅地板、門、防寒設備,無論夏天或冬天都可以享受舒適住宿體驗。一路延伸嘅窗戶仲創造咗一個開放嘅空間。而且透過透明窗仲可以飽覽茂密竹林風景同星空添!容納人數4人,而圓頂帳篷就有三個主題分別係「大象」、「水豚」均有雙人床 x 4,而「兔子」就係大床 x 2~


蓮花鈴帳篷

圖片來源:bamboo-forest.jp


蓮花鈴帳篷就一共有兩間,外形猶如大水滴內部設計就係以民族風為主,而且私隱度極高適合女仔們過一個girls night 。容納人數4人 ,此仿形都有兩個主題「駱駝」房就有大床 x 2,而「長頸鹿」就有雙人床 x 4~


設施

圖片來源:bamboo-forest.jp


所有嘅房形都係冇廁所嘅, 我要去沖涼或者如廁就要去公共大樓內每間客房均嘅專用淋浴間,全天24小時開放,所以整潔呢個問題大家就唔使擔心啦, 廁所係共用嘅。但係呢度都非常方便提供唒洗頭水、護髮素、沐浴露、洗面奶、 棉花棒、剃鬚刀、牙刷、風筒等等應有盡有, 非常方便大家就唔使帶咁多嘢去露營啦。


膳食

圖片來源:bamboo-forest.jp


晚餐係燒烤套餐。享受份量充足高品質燒烤,包括有開胃菜、沙拉、牛肉和香腸。大家仲可以係前台嘅室外露臺用餐,如果雨天寒冷日子就可以留返係室內用餐室用餐。 而且呢度都仲有提供其他嘅肉類以及酒類大家都可以因自己嘅喜好而order,都有為小朋友準備嘅兒童餐盤。而且園內都會有Cafe大家可以食其他嘢仲有其他主食、小食,而且仲有酒吧大家可以同朋友另一半小酌一杯Chill下!


長頸鹿共進早餐

圖片來源:bamboo-forest.jp


而早餐就會提供野餐式西餐,亦都可以選擇係房內用餐。 仲有一大重點就係可以同長頸鹿共進早餐。可以係鄰近嘅小百合世界嘅長頸鹿館旁享用早餐。 可愛嘅長頸鹿陪住大家食早餐, 係一個非常之特別又難得嘅體驗。 而且呢個方案都會幫長頸鹿預備好特殊食物, 就真係一齊食早餐啦! 大家如參加呢個活動仲可以係開園前仲可以參觀小百合世界。大家買埋園內出售嘅「動物零食」,動物會聚集在你周圍,仲可體驗近距離餵佢哋, 享受屬於得你哋同動物嘅時間~


圖片來源:bamboo-forest.jp


呢個咁特別咁得意嘅豪華露營體驗大家如果會去日本嘅話就一定要試吓啦! 唔係咁容易可以試到㗎!

有興趣嘅大家可以揾RTG幫大家預訂啊,去日本記得搵RTG,潮遊專員為你服務 按此 。日本包團、酒店、機票及特色住宿、及度身製行程都幫到大家~

 

The Bamboo Forest


地址:〒290-0521 千葉県市原市山小川790

 

去日本記得搵RTG,潮遊專員為你服務 按此

日本小包團、酒店、機票及特色住宿、及度身製行程


編:潮遊專員Miko

  • Facebook
  • Instagram

立即​訂閱

Thanks for submitting!

bottom of page