《潮遊輕井澤》馥府兩酒店開業 · 風格大不同適合休閒度假
輕井澤都係好多遊客選擇旅遊會選擇去嘅地區，而最近小型奢侈品牌酒店「Fufu Karuizawa Yokou no Kaze」同「Fufu Kyu-karuizawa Seiyo no Mori」都係12月24日已經同時開業。馥府係一個小型奢侈品牌酒店，係日本嘅旅遊勝地都開設咗分店，包括河口湖、奈良、京都、箱根等等。 有興趣嘅大家就一齊睇埋落去啦～
充滿活力感受陽光與大自然「ふふ 陽光の風」
圖片來源：www.fufujapan.jp
「ふふ 陽光の風」係一年四季都可以感受到充足嘅陽光與大自然嘅魅力。充滿綠色植物嘅房間裏、打住柔和嘅燈光，所有客房色調都有著色彩鮮豔嘅布置。在陽光灑落嘅房間裡，迎來清新活力嘅早晨，令人感到放鬆舒適。呢到客房都擁有非常靚嘅大自然景觀。而且呢到嘅所有客房都設有天然溫泉，一邊浸温泉一邊欣賞窗外嘅風景，係到可以度過一段輕鬆又舒適嘅私人時光。而且仲可以享受岩盤浴，温泉旁邊仲裝有熱石，瞓係岩石上，好好享受露天浴場嘅樂趣。
圖片來源：www.fufujapan.jp
大家都可以喺呢度好好享做返個SPA。水療室除咗提供英國奢華有機生活風格品牌Bamford嘅護理外，此處仲配有私人桑拿房、凍水浴同埋草藥浴。 想放鬆一下嘅，不妨嚟做個Spa啦～
圖片來源：www.fufujapan.jp
此外，酒店內仲開設咗米芝連指南收錄嘅法式餐廳「Plaiga Tokyo」，名為「Plaiga Karuizawa」。呢到使用咗嚴格挑選嘅新鮮信州食材，可以感受四個季節嘅日本法式料理。紀念日或者特別日子都推薦嚟試埋呢間餐廳！
擁有寧靜高品質氛圍「ふふ 靜養の森」
圖片來源：www.fufujapan.jp
另一方面，「ふふ 靜養の森」則充滿平靜、安靜嘅氣氛。主要以黑胡桃木、胡桃木等穩重嘅顏色設計為基礎，提供配有高品質空間。樹紋嘅箭頭條紋牆、原創地毯、水面般嘅室內裝飾等，四季景色怡人，綠意環繞下嘅中庭，優美嘅現代建築。營造出成熟穩重品味嘅高質感空間。所有客房都設有地板暖氣與暖爐，靜靜享受火光搖曳舒適嘅時光。
圖片來源：www.fufujapan.jp
而「ふふ 靜養の森」呢邊都係所有客房提供天然溫泉。係一個簡單嘅鐳溫泉，可以享受到與「ふふ 陽光の風」有別嘅溫泉水品質。
圖片來源：www.fufujapan.jp
呢到將會開設日本餐廳「日本料理 赤坂紙音」，呢到會提供使用信州食材嘅日本料理同鐵板燒。熟練嘅廚師使用長野縣嘅肉類、魚類、蘑菇同水果來烹調美味菜餚，充分發揮每種食材嘅風味～
ふふ 軽井沢 陽光の風
地址：長野県北佐久郡軽井沢町長倉
客房：共24間
ふふ 旧軽井沢 静養の森
地址：長野県北佐久郡軽井沢町軽井沢
客房：共20間
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko
Comments