《潮遊東京》CONCORDIA大型沙灘藝術活動 · 互動藝術成為藝術嘅一部分
係東京台場海濱公園嘅台場海灘，將於2023年11月18日至2024年1月8日，會有互動海灘藝術投影「CONCORDIA」活動舉行，入場費全免，所以大家都可以去玩下感受下大自然+藝術嘅融合！
此活動「Concordia」屬日本最大嘅沙灘藝術活動之一，本次活動中就利用XR和AI等尖端數位技術，仲配合埋燈光、聲音。係台場海濱公園內約3000平方米嘅台場海灘，將會設置六個投影區域，根據遊客的移動、風向等而作出變化從而有互動體驗。
分別有風、水、土、植物、生命同城市六個區域。當你踏入每個區域嘅時候，燈光同聲音都會隨住大家嘅動作而改變。係風區，投射出嚟嘅光粒子係代表吹過台場嘅風，大家可以一齊欣賞展覽中發出鮮豔色彩並且隨住人嘅郁動而改變形狀，營造出一種海風嘅感覺。
仲有一大亮點嘅月亮將會漂浮係台場嘅沙灘上，佢嘅燈光同聲音都會根據來訪者嘅每個舉動而有所變化，仲可以根據投影映射睇到月亮嘅變化。
然後仲會舉行 5 分鐘嘅表演「CONCORDIA Symphony」。係將遊客同埋台場嘅AI環境相連，創造出一場壯觀嘅表演， 如果大家都有幸到場嘅話你哋都會成為表演者嘅一部份。 大家去到嘅話一定有感官聽覺多重嘅藝術享受～
互動海灘藝術投影CONCORDIA 日期：2023年11月18日至2024年1月8日
時間：每天16:30至21:00（有機會因雨天或因天氣惡劣而取消） 地點：台場海濱公園 台場海灘（お台場海浜公園 おだいばビーチ） 地址：東京都港区台場1丁⽬ 入場費：免費
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編：潮遊專員Miko
Comments