《潮遊東京》COLEMAN夏日空中花園 · 望住飛機燒烤
東京成田機場希爾頓酒店由2023/3/23現正舉行夏日限定嘅空中花園燒烤， 佢哋今年就同Coleman合作以露營為主題嘅空中花園「Coleman Lounge」享受精緻露營嘅燒烤， 因為為咗令到客人有更加好嘅體驗場地都比較闊落，每日淨係限有兩組嘅客人可以預訂以及使用嘅， 身為露營迷嘅吃貨們就一定唔可以錯過啦～
而「Coleman Lounge」係空中花園舉行嘅， 而且酒店正淨係機場隔離，大家去食飯嘅時候飛機會喺大家嘅頭頂上面飛過嘅動態景象，仲可以睇到寬闊星空最佳嘅位置，而活動中用到嘅產品都係用返Coleman嘅產品打造一個舒適嘅露營環境氣氛俾大家， 係咁CHILL嘅環境下享受美酒佳餚啦～
而燒烤嘅Menu都非常之豐富，和牛切片、牛肋骨、風味裙邊牛排、三元排骨、烤雞肉串2款、扇貝、魷魚、洋蔥、泡菜等等非常豐富。 飲品方面燒烤梗係唔少得啤酒啦，仲有紅酒、清酒、燒酒、 氣泡酒等等俾大家揀嘅， 如果有啲唔飲酒精飲品嘅客人都有多款嘅無酒精飲品選擇 可樂、咖啡、烏龍茶、 果汁等等， 食飽飽之後仲有甜品食呀，記得留返個肚啦！
大家係露營愛好者，而且又鍾意食嘢嘅你都一定唔可以錯過咁特別嘅空中燒烤花園， 大家如果有興趣嘅話，記得把握機會搵我哋呀到RTG幫你哋預訂啦， 每日只限兩組客人享用，位置都比較難訂，所以一定要book定位先好去啊～
去日本記得搵RTG，潮遊專員為你服務 按此
日本小包團、酒店、機票及特色住宿、及度身製行程
編: 潮遊專員 Miko
Comments