top of page
  • 作家相片Miko

《潮遊東京》療癒系現代藝術館 · teamLab Planets Tokyo | 必到打卡點

已更新:2023年3月2日


(圖片為RTG Travel拍攝,請勿擅自盜取圖片,盜取必究)


今日小編就同大家介紹一下東京其中一個人氣高企嘅熱點,互動性嘅高,而且非常之優美療癒嘅展覽,而且仲好適合一家大細情侶朋友一齊去嘅行程之一,小編二月去完東京之後覺得係一個非常之推薦嘅行程,大家快啲一齊睇落去啦!

適合人士

呢個展覽係非常之適合,一家大細、情侶或者同朋友去玩吓都係好好嘅選擇,因為佢係一個互動性極高嘅展覽,但係如果同行有老人家嘅話就要比較小心啦,因為入邊有有攀爬,而且有涉水嘅動作,所以就要比較小心咁照顧佢哋!


衣着提醒

(圖片為RTG Travel拍攝,請勿擅自盜取圖片,盜取必究)


因為展覽入面嘅地板大部份都係有反射嘅,所以大家着短裙或者着裙嘅時候就要小心走光做好安全措施,最建議就着長褲啦,而且上面都提及其中有一部份水有機會喺度膝頭哥嘅,大家就記得着條可以摺得起上膝頭上面嘅褲咁就會比較好啦,因為水位都較高小朋友嘅話建議帶定一套可以換件衫啦~


而且入邊都有好多部份係有投影嘅同埋主題都比較色彩繽紛,所以小編就比較建議大家着淨色小小嘅衫去咁影相時候就可以襯托到背景影得更加靚!


超靚打卡點

(圖片為RTG Travel拍攝,請勿擅自盜取圖片,盜取必究)


首先,第一個部份係超級之靚嘅,大家可以見到係一個超級閃,令令嘅空間入面就係呢個「光影宇宙」,而且大家抬起個頭望上去嘅視覺都係非常之靚而且震撼!

(圖片為RTG Travel拍攝,請勿擅自盜取圖片,盜取必究)


而呢一到就有好多非常之大嘅波波,啲波波係會因應拍打同撞擊而變色嘅,小編嗰陣時見到好多小朋友玩到樂而忘返唔捨得走(小編都玩到唔捨得走haha~)

(圖片為RTG Travel拍攝,請勿擅自盜取圖片,盜取必究)

而呢一度就係重點打卡位之一超級靚嘅飄浮秘密花園入邊全部都係真嘅蘭花,係咪簡直係自身夢幻仙境呢,因為入邊全部都係真嘅蘭花,所以大家就要好好愛惜佢哋啦去到嘅話就唔好將啲花拉扯啦!


(圖片為RTG Travel拍攝,請勿擅自盜取圖片,盜取必究)


上面呢個錦鯉魚塘,但係小編提及到嘅水會浸到膝頭哥為自己一part,呢度啲水係靚啲非常之舒服,好似浸緊溫泉咁,同埋入去呢一part之前都會有消毒水浸洗腳,然後總會有毛巾抹返乾,非常貼心。

(圖片為RTG Travel拍攝,請勿擅自盜取圖片,盜取必究)

圖片來源:teamLab Planets TOKYO © teamLab

圖片來源:teamLab Planets TOKYO © teamLab


入邊仲有好多打卡嘅位置,大家可以自己去慢慢發掘!

期間櫻花限定版

圖片來源:teamLab Planets TOKYO © teamLab

圖片來源:teamLab Planets TOKYO © teamLab

而喺2023年3月1號起至到4月30號,仲有呢個櫻花限定嘅特別版,因為小編係二月尾去嘅就撞唔正睇呢個櫻花限定版,所以大家如果三月到四月去東京嘅話,一定要把握呢個機會啦!

而且附近有好出名嘅豐州市場,大家都可以喺嗰度食到好多唔同嘅美食,而teamLab呢一度都有啲小食同埋素食拉麵,所以大家都可以放心食飽飽先打卡!


總括而言,小編真係俾101分呢個展覽,10分推薦嚟,因為佢一直人氣高企而主辦方已經將原本完結嘅時間,然後左去到今年年尾,所以大家一定要把握機會去感受吓呢個咁靚嘅夢幻咁療癒嘅展覽啦!


*提提大家,如果大家想嚟嘅話記得喺網上面訂定票(**kkday、klook、teamLabs Planets官網等都有得訂票)想返日期同埋入場時段咁就再穩陣啦,呢度門口都有得買飛,但係每日嘅數量有限售完即止㗎!

 

teamLab Planets TOKYO


櫻花期間限定版:2023年3月1日~4月30日

地點:teamLab Planets TOKYO, 6-1-16 Toyosu, Koto-ku, Tokyo

交通:海鷗線新豐洲站,再步行大約1分鐘(出站就會見到門口非常之易搵)

時間:早上10時至晚上8時(星期一至五)// 早上九時至晚上九時(星期六、星期日及公眾假期)

*場館定休日可到官網查詢:https://planets.teamlab.art/tokyo/zh-hant/

 

去日本記得搵RTG,潮遊專員為你服務 按此


日本小包團、酒店、機票及特色住宿、及度身制行程


編:潮遊專員Miko






  • Facebook
  • Instagram

立即​訂閱

Thanks for submitting!

bottom of page