top of page
  • 作家相片Miko

《潮遊日本》 遊日禮儀 · 做咗呢樣嘢分分鐘畀人請落車?



相信唔少香港人去旅行嘅話,日本一定會係首選嘅,而且對日本都非常之熟悉,但係大家究竟對日本嘅規矩小知識其實係咪真係咁清楚呢,令大家可以入鄉隨俗安心又放心咁係日本玩做個優質遊客,大家就要睇埋落去啦~


搭交通工具唔可以講電話

日本嘅交通工具一向都係唔可以講電話嘅,而且電話聆聲要調較至靜音模式,直程會有部份嘅交通工具有標示要求熄電話添, 一嚟係除咗擔心聲音影響或者嘈到到其他乘客之外, 原來仲有另一個重要原因嘅,就係為咗保障一啲做過心臟搭橋手術身體入面放置咗心臟起搏器儀器嘅人,打電話嘅時候會有電波輻射對醫療儀器有所干擾及影響, 然而就對做過手術嘅人有重大且危險嘅影響!所以大家都記得唔好係公共交通工具上打電話同埋較成靜音啊, 有好重要嘅電話要講最好就要等到落車先覆返對方,或者先用短訊回覆, 咁就唔會影響到別人啦,做個優質乘客!


唔可以一邊行一邊食嘢

日本有好多唔同嘅街頭美食,而且香港人都比較急促而且文化唔同,會一邊路行一邊食住掃街,但其實喺日本係一邊行一邊食嘢嘅呢個行為係日本人眼中係非常之冇禮貌, 所以提提大家買完嘢食,記得企埋一二邊唔好阻住人嘅地方,食完先好再行啦。


電梯企邊邊?

香港扶手大家都係企右邊嘅, 唔知大家又分唔分得清喺日本邊個地區電梯要企邊邊呢? 東京地區就同香港一樣習慣企右邊而左邊就係留返個通道俾啲趕時間嘅人行嘅。 而大阪則相反,佢哋就會企左邊留返右邊嘅通道俾大家行㗎, 相信大家趕時間嘅時候俾人阻住咗冇得行都會有少少唔耐煩,所以大家就記返清楚唔同地區要企嘅位置啦!


有紋身唔可以浸溫泉

因為日本咁多年以來,對紋身呢樣嘢都係抱住比較傳統相對保守嘅相法,認為係黑社會先會擁有嘅象徵,所以大眾溫泉一律係唔會比有紋身嘅人士進入嘅,大家注意返如果有紋身嘅話就建議搵返私人風呂,雖然紋身唔代表係壞嘅象徵,但係為咗尊重返人哋嘅文化都要守返佢哋規矩嘅,咁就玩得更加開心啦!


試衫要帶面罩

大家去到日本除咗食嘢之外,一定就係會 瘋狂購物shopping啦,大家記得面上有化妝品買衫試穿嘅時候,一定要帶返面罩唔好整污糟人哋啲衫領,而基本上大部份嘅舖頭都會提供一次性面罩俾大家係試衫嘅時候使用,咁就可以保護返啲衫確保唔會有污跡, 咁就減少為人哋帶來嘅唔方便啦!


雖然日本同香港嘅文化真係非常之唔同,而且有好多嘅分別,但係為咗入鄉隨俗尊重返人哋嘅文化,我哋就當然要喺人哋嘅地方守好規矩啦,咁大家知道咗呢啲規矩之後旅行就會更加開心又放心!!

 

去日本記得搵RTG,潮遊專員為你服務 按此

日本小包團、酒店、機票及特色住宿、及度身製行程


編: 潮遊專員 Miko

  • Facebook
  • Instagram

立即​訂閱

Thanks for submitting!

bottom of page