top of page
  • 作家相片Miko

《日本便利店快訊》 LAWSON UCHI CAFE · 夏天清涼消暑新品

已更新:2023年8月15日

日本便利店有相當多嘅寶藏發掘,相信大家去旅行嘅時候便利店都會係宵夜嘅其中一個選擇,LAWSON嘅甜點品牌「Uchi Café SWEETS」就推出咗夏天限定嘅新品,總共有3款口味,日本全國LAWSON便利商店沖繩除外發售新品上市!一向LAWSON甜品小食都非常有信心保證絕對唔會失望嘅, 而且價錢又非常之相宜,所以大家去日本嘅時候,就記得買嚟試吓啦~


LAWSON推出品牌「Uchi Café SWEETS」 其實就係為咗可以令大家無論係咩時間,就算係甜品店閂咗門之後都可以品嚐到非常美味嘅甜品,令大家係一整日嘅忙碌後得到放鬆嘅時間同提升幸福感嘅~



為咗替炎炎夏日消暑,LAWSON推出全新杯裝甜品「ごち層スイーツ」系列,用心製作出清爽消暑嘅甜品,今次就推出咗3款口味「拿鐵&咖啡凍」、「芒果&奶凍」同「抹茶&牛奶布丁」,三款都用咗三層不同材料去配搭而成, 令到口感更豐富而且互相協調~



「拿鐵咖啡&咖啡果凍」(297円稅込)甘苦咖啡果凍加上咖啡拿鐵嘅布丁同埋鮮忌廉嘅配搭完全好好哋融和甜膩感,濃厚咖啡香, 食呢個甜品,就好似飲緊一杯有唔同層次同埋唔同質地嘅咖啡咁! 小編就對咖啡味嘅甜品毫無抗拒, 鍾意飲咖啡同埋食甜品嘅大家就一定唔好錯過啦!



「芒果奶凍」(297円稅込)呢款就用咗芒果泥去做配搭,而且仲有牛奶同Cream嘅奶凍上疊加芒果布丁,清爽可口,非常適合夏天,我諗無人抵抗到芒果嘅誘惑嘅!



「抹茶牛奶布丁」(297円稅込)絲滑嘅牛奶布丁同香味濃郁嘅抹茶混合鮮忌廉打出嚟嘅Cream做組合!抹茶控必食! 所以大家去到日本記得去LAWSON買嚟試吓打吓卡啦,期間限定㗎,想試就唔好錯過啦,三款都只需297円喳~


 

去日本記得搵RTG,潮遊專員為你服務 按此

日本小包團、酒店、機票及特色住宿、及度身制行程


編:潮遊專員Miko


  • Facebook
  • Instagram

立即​訂閱

Thanks for submitting!

bottom of page