《潮遊山梨》 富士山前超夢幻花海 · 打卡必到 · 絕美風景
位於山梨県嘅富士本栖湖度假村嘅「2023彩虹花節」將於9月1日 至 10月15日進行。會有大約9萬株非常繽紛嘅秋季花朵同富士山一齊嘅壯麗景色，大家如果將會嚟到富士山的話就可以嚟影吓相啦，絕對係打卡勝地啊！
到時會有大約9萬株植物同埋15個品種嘅花卉盛開，包括紅色、橙色、黃色、粉色等鮮豔顏色嘅百日草，仲有黃橙色嘅花同綠葉形成鮮明對比嘅金光菊。而且花海中仲有隻係彩虹海上航行嘅小船， 畫面非常之浪漫！
而入面除咗花海係打卡重點之外，仲有呢個黃色「幸福之門」係花園中間嘅打卡點。大家打開門就可以透過黃色幸福之門去望到藍藍嘅天空，以及對面嘅富士山同美美嘅花園。
如果大家影相影到有啲攰嘅話，就可以坐低食啲小食，有麻糬軟雪糕、甲州酒牛肉炸丸子、5款烤麵包之外，仲有以熔岩軟糯為靈感嘅黑色富士山熔岩炸雞等等。Meun上嘅餐點都係用咗富士地區特有嘅食材同埋特產㗎！！
日期：2023年 9 月 1 日 至10 月15 日 地點: 富士本栖湖度假村
地址: 山梨県南都留郡富士河口湖町本栖212
時間: 上午 8:00 至 下午 4:00
入場費：大人(中學生以上) 800円、小朋友(3歳以上) 300円
* 因開花條件而異，有可能會有所不同
去日本記得搵RTG，潮遊專員為你服務 按此
日本小包團、酒店、機票及特色住宿、及度身制行程
編：潮遊專員Miko
Comments