Kori
- 2023年2月6日

《潮遊和歌山》體驗篇 · 走進舊時代美景那智山//體驗平安服飾

已更新：2023年2月23日

去完勝浦漁港睇完海洋生物，就帶大家欣賞下陸上美景啦！今次我哋黎到那智山。那智山係日本有過千年既歷史，當中既熊野古道、那智瀑布、熊野那智大社都係必去既地方！而家由小編黎為大家介紹漫步那智山既行程啦！係世界第二條世界遺產古道，可以話係日本必到嘅景點之一。

大家黎到那智山既第一站就會係大門坂啦！呢個係黎到那智山既必經之路。而且黎到呢到再行前多少少，就會有一間專門租借平安時代既和服俾大家，想親身去體驗舊時代和服既愛美人士就吾好錯過啦！呢個禁千載難逢嘅機會，我哋小編就梗係唔會錯過啦！

平安服飾

（圖片為RTG Travel拍攝，請勿擅自盜取圖片，盜取必究）

（圖片為RTG Travel拍攝，請勿擅自盜取圖片，盜取必究）

係咪好靚呢！呢個就係那智山最大既特色之一啦！可以試到同平時完全吾一樣既和服，好特別好靚架。而大家係相中見到既一大片森林，冇錯啦！我地黎到熊野古道啦！這段鵝卵石鋪就的平緩階梯長達 600 米，着住平安時代既和服，係雪松、樟樹同埋竹子既綠蔭之下，登上足足267 級梯級，就可以去到那智大社啦！偷偷地同大家講，呢度既雪松足足有900年既歷史呀！所以大家去到要小心翼翼，唔好傷害到佢哋呀。

那智山包含多做廟宇

再上山就係大大小小嘅寺廟，包括熊野那智大社、那智山青岸渡寺等等，相傳呢度就係聚集唔同神靈嘅地方，整個環境人傑地靈，大家都可以感受一下日本廟宇嘅氣氛。仲可以祈福同埋買返廟宇御守。