top of page
  • 作家相片Miko

《潮遊北海道 · 東京》露營車篇 · 租架露營車去不一樣的旅行

上次就同大家分享咗大阪豪華露營車反應都非常熱烈,所以今次RTG潮遊專員同大家介紹東京同北海道嘅露營車租借以及租借後推薦嘅露營場地啦,搵我哋RTG租露營車低至$1599起~~



北海道露營車嘅取車位置位於新千歲機場約10分鐘車程,可提供免費接駁非常方便貼心。而東京取車點就係而且只要有國際車牌自動波牌照就可以駕駛露營車。記得要申請請好國際車牌啦, 到時都要提交返到副本俾租車公司嘅。



今次呢三款露營車有車內冷暖氣空調、藍芽音響、ETC、車邊帳、溫水設備、 雪櫃等嘅設備都非常之齊全,不過呢三款嘅露營車就冇一個獨立嘅廁所喺車入面, 所以我哋都推薦大家去返露營場地, 咁就會比較方便, 咁而家我哋就逐一介紹啦~


頂級露營車

呢一款係可以瞓到4-5個人, 車內嘅床都非常之寬敞空間非常足夠,車頂床尺寸198cm × 186.5cm 而沙發床尺寸:195cm x 187cm,係 完全唔夠一家人成人嘅長度,唔洗屈埋隻腳非常舒適, 而且車內仲有廚房冷暖氣,基本設施都應有盡有!


豪華露營車


而呢兩款就只可以瞓到最多4人, 其實基本上一個 一家三口嘅家庭嘅話真係綽綽有餘,而佢嘅床位都算舒適車頂床尺寸190cm × 75cm ×2,下層床尺寸190cm × 190cm,, 空間都足夠,亦都唔使擔心唔舒適, 基本設施, 都係有齊冷暖氣、地暖、 廚房等~ (注意! 雖然豪華露營車有兩款,但係無得指定車款!)


輕巧露營車

雖然呢架露營車最多可以瞓到四個人,但係我哋就建議兩至三個人咁樣會比較舒適寬敞同埋有空間感, 輕巧露營車就比前面嗰兩款車少咗個廚房係車內, 但因為佢冇廁所嘅關係,我哋都會推薦大家去露營場, 所以其實冇廚房都唔係特別大影響,相信大家都會去車外,慢慢享受露營煮食樂趣, 萬一大家想輕食嘅話都會有微波爐,所以唔使擔心!而床方面就車頂床尺寸150cm × 100cm, 沙發床尺寸210cm × 120cm 雖然空間就比較細,但係床嘅尺寸都可以接受, 小編就覺得呢一款就比較適合情侶啦~


保險保障

每次租借露營車都會包埋同行所有車輛嘅保險,大家就可以玩得更安心同放心,而且又有保障,真係非常貼心嘅服務!


 北海道露營場推薦

介紹完架車之後,我哋仲同有兩個露營場推薦,兩個露營場係可以泊架車入去露營,首先位於十勝川溫泉區「十勝エコロジーパーク Tokachi Ecology Park」, 大家可以泊架露營車喺自己位置附近。 呢度除咗紮營區域,亦都會有小木屋區,木屋入邊設施非常齊全, 有獨立廁所浴室,而且仲有小廚房添,露營車都可以泊返喺木屋嘅前面非常方便的,呢個露營場嘅旁邊就有一個溫泉館, 咁大家就可以開埋浸溫泉梳乎吓啦!



然後第二個要介紹嘅就係位於富良野嘅「Hoshi ni Te no Todoku Oka」,呢到被譽為可以睇到最靚星空嘅campsite, 而且露營場地入邊仲有羊咩咩、兔仔同我哋一齊露營, 非常適合小朋友接觸大自然同動物相處嘅一個機會。而且呢到仲有米之蓮一星嘅成吉思汗烤羊肉食添啊, 露營車就可以泊喺自己個位隔離啦。呢度都有小木屋㗎,咁大家就可以因應返自己嘅要求去揀返適合自己嘅方案。呢到園內都會有溫泉浸, 所以都係一個非常之唔錯嘅選擇~


東京露營場推薦


呢個營地位於千葉嘅「清水公園 キャンプ場」小編就比較推薦一家人嚟呢個, 喺呢度嘅娛樂設施比較多非常之適合小朋友放電有繩網陣,而且設備都齊全方便,由東京市中心嚟嘅話車程只需1小時, 路程唔會太遠都比較適合新手!




而第二個就係位於山梨縣本栖湖畔「Kouan Campsite」, 呢到最大嘅重點就係可以好清晰咁跳望到富士山啦!而且場地都非常靚,都係有小木屋區,同汽車露營區,呢個風景同埋周邊環境真係無得輸啊!



而第三個露營場就都係位於千葉「キャンプマナビス CAMP MANAVIS」, 大家由東京揸過去呢個相對路程就會比較遠大概需2.5小時,適合啲鍾意睇沿途風景嘅遊客啦, 因為由東京去到呢度會橫跨左千葉縣, 而且呢個營地係就係喺沿海前面仲會有溫泉浸大家浸安全嘅時候就可以望到一大片無邊際嘅太平洋, 風景就會比較開陽舒服,個景都非常值得,都係一個不錯嘅選擇!


介紹咗三地露營車啦,我哋介紹嘅露營車或者係露營場地,大家都可以搵我哋RTG幫大家去預訂, 咁大家就慳返好多時間,亦都比較方便,大家有興趣去東京同北海道露營嘅話不妨參考吓我哋呢個package, 亦都歡迎向我哋查詢!

 

去日本記得搵RTG,潮遊專員為你服務 按此

日本小包團、酒店、機票及特色住宿、及度身製行程


編:潮遊專員Miko

Comentarios


  • Facebook
  • Instagram

立即​訂閱

Thanks for submitting!

bottom of page