top of page
  • 作家相片Miko

《無印良品》精選實用工具 · 為屋企加添方便小物

小編今日同大家介紹吓無印好有用嘅小物啦,好多都係生活用品,都係可以令生活入邊帶嚟更加多嘅方便。


¥99擠管器


平時大家吱hand cream、lotion去到最後吱到冇晒嘅時候其實管入邊仲有好多嘅,所以如果有咗呢個擠管器,係可以吱多幾次,咁就可以物盡其用啦,又唔使嘥晒啲嘢,而且呢個夾仲可以一物多用可以用嚟夾住啲食物包裝添啊!


¥1990記帳簿+¥450內頁袋


因為日本嘅家庭通常從小到大都有記帳嘅習慣,咁就可以方便知道屋企嘅支出,所有支出就一目了然啦!咁樣可以慳返唔少錢㗎,洗大咗又可以知道係用咗去邊,又可以當儲錢,小編都要買返本!


¥99收納袋

呢個收納袋可以有好多用途,可以放紙幣同散子,咁就唔使散收收啦,而且個size仲可以放到口罩,又可以當一個口罩套,一袋袋用同埋價錢好平,可以買定幾個嚟裝嘢~


¥1690電制電線收納盒(不包底坐同滑轆)


相信大家屋企一定有啲拖板下電先啦,喺地下成日會踢到,同埋可能又唔覺意會戟親,真係好危險㗎,所以如果屋企有呢個收納盒嘅話就可以將拖把電掣都放晒入去,如果大家想再方便啲,好似圖中咁可以隨便移動的話就要額外加290円底座同390円嘅滑輪,咁就可以減少危險嘅發生又方便生活使用

啦!


其實無印良品有好多方便生活嘅用品,大家可以慢慢去發掘更多唔同實用嘅生活品啊!

  • Facebook
  • Instagram

立即​訂閱

Thanks for submitting!

bottom of page